Memento to Thomas Netto, Archbishop designate of the Latin Archdiocese of Trivandrum....

തോമസ് ജേ. നെറ്റോ 

തിരുവനന്തപുരം ലത്തീൻ അതിരൂപതാ മെത്രാപ്പൊലിത്ത -19.03.2022

 'വചനം മാംസമായതു' (യോഹ 1:14) പോലെ... 

 ദൈവത്തിന്റെ കുഞ്ഞാട്' (യോഹ 1:29) 

'നല്ലിടയൻ' (യോഹ 20:11) ആയിത്തീർന്നതാണ് യേശു... 

 '... ഒരാൾക്ക് നൂറ് ആടുകൾ ഉണ്ടായിരിക്കെ, 

 അതിലൊന്ന് വഴിതെറ്റിപ്പോയാൽ 

 തൊണ്ണൂറ്റൊമ്പതിനെയും മലയിൽ വിട്ടിട്ട്, 

 അവൻ വഴി തെറ്റിയതിനെ അന്വേഷിച്ചു പോകയില്ലേ? 

 കണ്ടെത്തിയാൽ അതിനെക്കുറിച്ച്... 

 സന്തോഷിക്കുമെന്ന്... ഞാൻ നിങ്ങളോടു പറയുന്നു...'(മത്തായി 18:12-13). ആടുകളെ പോറ്റാതെ, സ്വയം പോറ്റുന്ന 

ഇടയന്മാർക്ക് ദുരിതമെന്ന് എസെക്കിയേൽ പ്രവചിക്കുന്നു: 

 'എന്റെ ആടുകൾക്കു ഞാൻ അവരോടു കണക്കു ചോദിക്കും... 

 ഞാൻ തന്നെ എന്റെ ആടുകളെ അന്വേഷിച്ചു കണ്ടുപിടിക്കും...'(34:10, 11) ഇതിനോട് ചേർത്തു വായിച്ച് ധ്യാനിക്കാം 

 23-മത്തെ സങ്കീർത്തനത്തെയും... 

 തുടർന്ന്, തന്റെ 'ആടുകളെ മേയിക്കാൻ' (യോഹ 21:15) 

അവിടുന്ന് പത്രോസിനെ ഭരമേൽപ്പിക്കുന്നു... 

'ദൈവത്തെയും മാമോനെയും സേവിക്കാൻ സാധിക്കുകയില്ല' (മത്തായി 6:24) യേശു ശിഷ്യർക്ക്, വിശേഷിച്ചും, 

തിരുവനന്തപുരം പ്രാദേശിക സഭയുടെ 

 ഇടയ ദൗത്യം ഏറ്റെടുക്കുന്ന തോമാ, അങ്ങേക്കും... 

 'അരപ്പട്ടയിൽ സ്വർണമോ വെള്ളിയോ 

 ചെമ്പോ കരുതി വയ്ക്കരുത്. 

 യാത്രയ്ക്കു സഞ്ചിയോ രണ്ടു ഉടുപ്പുകളോ 

 ചെരിപ്പോ വടിയോ കൊണ്ടുപോ കരുത്'. (മത്തായി 10:9-10). 

 'വിജാതിയരുടെ ഭരണകർത്താക്കൾ 

 അവരുടെമേൽ യജമാനത്വം പുലർത്തുന്നുവെന്നും 

 അവരുടെ പ്രമാണികൾ അവരുടെമേൽ അധികാരം 

 പ്രയോഗിക്കുന്നുവെന്നും നിങ്ങൾക്കറിയാമല്ലോ. 

 എന്നാൽ, നിങ്ങളുടെയിടയിൽ അങ്ങനെയാകരുത്' (മർക്കോസ് 10:42-43). 'മനുഷ്യപുത്രൻ വന്നിരിക്കുന്നത്, ശുഷ്രൂഷിക്കപ്പെടാനല്ല, 

ശുശ്രൂഷിക്കാനും സ്വന്തം ജീവൻ അനേകർക്കുവേണ്ടി 

 മോചനദ്രവ്യമായി നൽകാനുമത്രേ.' (മർക്കോസ് 10:45). 

 'നിങ്ങളുടെ കർത്താവും ഗുരുവുമായ ഞാൻ 

 നിങ്ങളുടെ പാദങ്ങൾ കഴുകിയെങ്കിൽ, 

 നിങ്ങളും പരസ്പരം പാദങ്ങൾ കഴുകണം.' (യോഹ 13:14). 

 '...ഞാൻ നിങ്ങളെ ദാസന്മാർ എന്നു വിളിക്കുകയില്ല... 

 സ്നേഹിതന്മാരെന്നു വിളിച്ചു.' (യോഹ 15:15) 

 ശിഷ്യന്മാരെ 'സത്യത്താൽ വിശുദ്ധീകരിക്കണമേ!' (യോഹ 17:17) 

 എന്നവിടുന്ന് പ്രാർത്ഥിച്ചു, കാരണം 

 'സത്യം അവരെ സ്വതന്ത്രരാക്കും.' (യോഹ 8:32). 

 അവിടുന്ന് 'അഭിഷേകം ചെയ്യപ്പട്ടത് 

 ബന്ധിതർക്ക് മോചനവും അന്ധർക്കു കാഴ്ചയും 

 അടിച്ചമർത്തപ്പെട്ടവർക്കു സ്വാതന്ത്ര്യവും 

 കർത്താവിനു സ്വീകാര്യമായ വത്സരവും പ്രഖ്യാപിക്കാനുമാണ്...' (ലൂക്കാ 4:18-19).

 'യേശു വന്നിരിക്കുന്നത് 

ശിഷ്യന്മാർക്ക് ജീവനുണ്ടാകാനും 

അത് സമൃദ്ധമായി ഉണ്ടാകാനുമാണ്.' (യോഹ 10:10). 

 ഈ വചനങ്ങൾ അങ്ങയിൽ മാംസം ധരിക്കട്ട, 

 അങ്ങ് നല്ലയിടയനായിത്തീരട്ടെ, 

ദൈവജനം അതനുഭവിക്കട്ടെ... 

ഇതാണെന്റെ ആശംസയും പ്രാർത്ഥനയും... 

                                                                                  -പങ്കി